Twinty-five year
And a licht hour fae hame
Birslin up the interstern causey
Brandishin images
Clean-cut Americans
Adrift on orra quasars.
An inch alang ma pinkie
On a finger-neb o bane
Birslin up the internuclear causey
Brandishing images
Baggit-eed mimmerkins
Adrift on orra quarks.
Warlds birl in eternity
Ends tryst in infinity
Solar stour on the cosmic shelf
Galaxies in a pinkie skelf.
Gin we canna fin life in outer space
Inby is a yet mair unkent place.
Mary McCabe 