Up an doon an roon

When Ah wis wee Glesca wis black

Canyons windin

Tramcaurs grindin

Chalk oan the was

Clickety cobblestanes

Rickety gallus weans               cheeky

 

Noo Ah’m big, Glesca’s rid

Rubbit raw

Scrubbit braw

Brassy blonde hooses

Rid Squerr n jazz

Razzamataz.

 

Up oan the skyline

High-rise an pylons

Wind birlin stour                         dust

Roon the fowk faur ablow

Wide yawnin space

Wi nivver a trace

O the tramcaurs and canyons

We knew lang ago